Ég hringdi í Íslandspóst í dag til að fá nánari útskýringar á þessu rugli með heimilisfangið mitt. Fékk reyndar engin almennileg svör og er enn ósátt. Einhver yfirmaður bað mig afsökunar og sagði að þetta myndi nú ekki gerast aftur en ég hef fengið sams konar svör í öðrum málum sem við mamma höfum lent í hjá Íslandspósti þannig að ég pípi nú bara á það. Ég skrifaði frekar langt bréf sem ég ætla að senda til einhvers enn hærra setts yfirmanns hjá Íslandspósti þar sem ég krefst nákvæmra útskýringa á þessari dellu. Hefði haldið að það yrði einfalt mál að fá e-mail hjá einhverjum slíkum á heimasíðu Íslandspósts en viti menn...það hefur ekki virkað í allan dag, ég fæ alltaf hin gömlu "góðu" skilaboð: "THE PAGE CANNOT BE DISPLAYED". Það er ýmislegt rotið í veldi Íslandspósts, svo mikið er víst!