Lóa Rut hélt saumaklúbb fyrir D-bekkinn í kvöld. Hún býr í Garði á Reykjanesinu og til að vera ekki að keyra 20 bíla í halarófu eftir Reykjanesbrautinni sameinuðumst við í bíla og fórum margar saman í bíl. Við vorum samtals 12 því að nokkrar komust ekki, því miður fyrir þær þar sem veitingarnar voru að vanda ákaflega lystugar og við kjöftuðum hvor aðra í kaf eins og vanalega. Þær sem mættu voru (fyrir utan Lóu Rut gestgjafa) Herborg, Sigrún, Svanhildur, Hilda, Berglind, Linda, Ingibjörg, Jóhanna, Guðrún Brynja, Anna Margrét og ég.