Eftir skemmtilegt áhorf á Survivor og CSI er ég búin að vera að dúlla í vefnum mínum. Það var kominn tími fyrir smávegis endurbætur og mér sýnist hann allur vera á góðri leið. Verst hvað tíminn flýgur hratt þegar maður sökkvir sér niður í svona verkefni, núna er eiginlega kominn tími til að koma sér í rúmið til að geta vaknað snemma í fyrramálið. Einmitt þegar ég er í hörkustuði til að vefa, en þá er bara að leyfa þessari leiðinda skynsemi að ráða, gefa sér smá spark í afturendann og drattast af stað inn á bað til að bursta tennurnar fyrir svefninn.