Bekkurinn okkar í Ingunnarskóla var að búa til gifsgrímur í dag og við Birna fengum að hjálpa til við að setja gifsið á andlit þeirra. Mér fannst þetta mjög spennandi og er ánægð að hafa fengið þetta tækifæri. Við settum gifsgrímur hvort á annað í 12 ára bekk í Laugarnesskóla og mig minnti endilega að þetta hefði tekið mun lengri tíma og verið flóknara. En þetta er í raun og veru einfalt og frekar fljótlegt. Það væri gaman að æfa sig svolítið að föndra svona með gifsi, bæði við grímu- og hattagerð og eins til að gera líkön af landslagi og bara alls kyns skúlptúra. Besta að kaupa pakka af gifsgrisjum næst þegar maður skreppur í apótekið...