Skutlaði Jóa í skólann í morgun til að geta haft bílinn. Las nokkrar greinar í Læsinu og lagði svo í stað í verslunarleiðangur. Byrjaði í IKEA en því miður fann enga háa plastkassa fyrir hveiti, sykur o.s.frv. eins og mig vantar svo sárlega! :( Kíkti svo í Rúmfatalagerinn þar sem ég keypti 100 ljósa marglita jólaseríu í stofusvalagluggann og sogskálar til að hengja hana upp. Fór loks í Bónus og keypti matvörur fyrir u.þ.b. 8000 krónur, enda veitti nú ekki af, eldhússkáparnir foru farnir að halda að það væri komin kreppa eða stríð!
Í stað þess að byrja á fullu að lesa og læra þegar ég kom heim, þá hellti ég mér í hreingerningarstörf, ryksugaði, skúraði og þurrkaði af. Kvöldið fór svo í að hengja upp nýju seríuna og setja gömlu litlu seríuna í vinnuherbergisgluggann. Ég er sem sagt mest lítið búin að vera að læra í dag...en ég er nú svo sem á góðu róli fyrir Læsisprófið á þriðjudaginn, ætti aðallega að vera farin að hafa meiri áhyggjur af aðferðafræðinni... :(
Mikið er ég nú samt fegin að vera ekki í læknisfræði eða einhverju öðru álíka samkeppnisfagi. Kennaranemar eru nefnilega svo duglegir við að deila vinnunni sinni, skiptast á glósum o.s.frv. Fékk fullt af pósti í dag frá stúlkum á yngri barna sviðinu sem voru búnar að gera tölvuglósur upp úr lesefninu og vildu senda á alla. Þúsund þakkir til þeirra :)