Var dugleg í dag og skellti mér í Baðhúsið, púlaði þar á þrekhjóli og hlaupabretti, fór smávegis í önnur tæki og teygði að sjálfsögðu á í lokin (samt örugglega ekki nóg, verð pottþétt með harðsperrur á morgun). Alltaf sami skítakuldinn í búningsklefunum og við sturturnar og ég kvartaði aftur við starfsfólkið. Hvernig væri nú að þeir sem reka Baðhúsið (skilst að Linda sé í fríi frá rekstri) fari að gera eitthvað í þessum málum? Samkvæmt því sem starfsfólkið segir hafa margir kvartað yfir þessu. Erum við ekki að borga stórfé fyrir að fá að koma í þessi búningsherbergi, eigum við ekki rétt á að aðstaðan sé í lagi?

Jæja, í kvöld er svo víst síðasti þáttur Bráðavaktarinnar að sinni. Spennandi að sjá hvað gerist áður en þættirnir fara í frí...