Eitthvað hefur nú farið lítið fyrir virkni minni í bloggmálum undanfarið og ég er virkilega farin að skammast mín fyrir letina. Ég gæti afsakað mig með klisjum eins og "það er svo mikið að gera í skólanum" eða "ég er búin að vera svo þreytt undanfarið" en ég nenni því ekki...ég er einfaldlega búin að vera löt. En ég er orðin þreytt á að lofa upp í ermina á mér þannig að ég ætla ekki að koma hér með stórar yfirlýsingar um bót og betrun og blogg á hverjum á degi. Héðan í frá ætla ég bara að blogga þegar ég nenni því og hana nú!
     Aftur á móti ætla ég að fara að huga meira að öðrum skrifum því mér finnst alveg kominn tími til að byrja á barnabókinni sem ég ætla mér að skrifa. Margir rithöfundar hafa einmitt sagt í viðtölum að það sé margra ára ferli að skrifa bók svo að það er ekki seinna vænna að fara að byrja. Ég sat límd við skjáinn í gær og horfði á viðtalsþátt við J.K. Rowling, mömmu Harry Potters, og fékk verk fyrir hjartað því mig langar svo að geta skrifað jafnvel og hún.

Tvær hetjur sem ég lít upp til:
J. K. Rowling
Lisa Jewell