Byrjaði daginn á háaloftinu og fór í gegnum gömul leikföng. Fyllti stóran svartan ruslapoka af hræðilega óspennandi gömlum dúkkum sem voru bæði ófrýnilegar og skítugar. Efast um að ég hafi mikinn áhuga á að láta framtíðarbörnin mín leika sér að þeim. Ætla samt ekki að henda þeim strax, Guðbjörg vill kannski sjá þær og rifja upp einhverjar minningar tengdar þeim...ef til vill geyma einhverjar þeirra (efast samt stórlega um það).

Á eftir eru svo væntanlegir nokkrir bekkjarfélagar úr gamla góða D-bekknum. Stefnan er sett á að djamma vel í kvöld og þó það séu reyndar ekki mjög margir sem hafa tilkynnt þátttöku þá hlakka ég samt til að sletta úr klaufunum.