Í kvöld rifjaði ég upp gömul og ánægjuleg kynni mín af Ronju ræningjadóttur. Í Læsi og lestrarnám I erum við að vinna að barnabókaverkefni og Hilda, Helga og ég völdum okkur bækurnar "Ronju ræningjadóttur" og "Ja, þessi Emil", báðar eftir Astrid Lindgren. Ég man ekkert hvað ég var gömul þegar ég las bókina um Ronju fyrst en bíómyndin um hana var reyndar fyrsta myndin sem ég sá í bíó, rétt um 5 eða 6 ára gömul (skv. heimildum móður minnar). Þetta er fín bók sem ég held að geti alveg skemmt nýjum kynslóðum sem eru að kynnast henni í fyrsta skipti. Sagan gerist í einhvers konar ævintýraheima og er því nokkurn veginn tímalaus og ekkert á leiðinni að úreldast. Mæli með Ronju fyrir börn á öllum aldri, ung sem gömul.