Mamma prófaði svefnbeddann hjá okkur í nótt eftir saumaklúbbinn sinn í gær. Við vöknuðum svo hressar og kátar í morgun og fórum í útréttingar. Byrjuðum á Nesradíó þar sem bíllyklar móður minnar rifjuðu upp gömul kynni við fjarstýringuna að bílnum hennar og við bílinn sjálfan. Planið var að kíkja svo í miðbæinn en hellidemban fékk okkur til að skipta um skoðun og fórum við því frekar í Kringluna þar sem við litum á útsöluna í Hagkaup en fundum mestlítið. Áttuðum okkur á því að okkur vantaði í rauninni ekki neitt og þurftum því ekki að kaupa neitt á útsölu. Þó fyrir auglýsingar um að það borgi sig fyrir budduna að koma á útsölu í Smáralind þá er staðreyndin samt sú að buddan græðir mest á því halda sig sem fjærst útsölunum...