Hef leyft mér að taka daginn rólega í dag enda var ég á frábæru djammi í gær. Assi hetja bauð klúbbnum í glæsilegt matarboð þar sem hann og Sigurjón höfðu framreitt ákaflega góðan kjúkling með meðlæti og buðu upp á bæði hvítt og rautt með matnum. Lúxusmatarboð sem fær fullt hús af stjörnum. :)
Eftir matinn færðist enn meira líf í mannskapinn og fljótlega vorum við öll komin út á gólf að dansa. Langt síðan við höfum öll skemmt okkur svona vel. Partý sem ratar auðveldlega inn á Topp 10 listann! Takk fyrir mig :)

Nú er planið að safna upp pínu orku til að nýta afganginn af deginum í eitthvað sæmilega vitrænt. Er ekki vön að vera til mikils gagns á sunnudögum, það eru sko ekki mínir uppáhaldsdagar og eyði ég þeim jafnan í að velta mér upp úr því að helgin sé eiginlega búin og kem þar af leiðandi engu í verk. Nei, ég er ekki sú allra gáfulegasta á sunnudögum.