Fór upp í Kennó í morgun og komst að því að Kennó-peysurnar hafa greinilega selst mjög vel. Alla vega var ég í stíl við alla á staðnum í fínu peysunni minni. Konan í nemendaskráningunni virtist alla vega hafa ruglast í ríminu við að sjá alla í eins peysum því hún rétti konunni við hliðina á mér þau gögn sem ég var að biðja um.
Í kvöld sýndi Skjár 1 fyrsta þátt af Dead Zone, sem er nýr myndaflokkur hjá þeim um náttúrufræðikennara sem liggur í dái í 6 ár og vaknar síðan með yfirnáttúrulega skyggnihæfileika. Því miður leist mér alltof vel á þennan þátt svo ég sé fram á að vera áfram upptekin milli kl. 21:00 og 22:00 á mánudagskvöldum þrátt fyrir að CSI skuli vera hætt...