Hilda, Helga, Linda, Erla og ég vorum hörkuduglegar í morgun og settum niður grind að leikþættinum okkar fyrir Önnu Jeppesen og bjuggum til dreifildi. Þetta verður örugglega ágætis verkefni :)

Jói kom svo færandi hendi með bílinn okkar og ég skaust til að sækja um sumarvinnu á nokkrum stöðum og senda videospólu til Jolöndu.

Ritlistarhópurinn stóð fyrir listakvöldi gegn stríði og Bush í kvöld. Ég var víst búin að lofa að mæta og framkvæma einhvers konar list svo ég ákvað að glamra á píanóið þar sem ég er nú þegar búin að lesa öll mín frumsömdu ljóð  á ljóðakvöldum í Kennó. Til að vera í stíl við þema kvöldsins valdi ég sérstaklega þrjú bandarísk jazz-lög ;) flutningur tókst held ég alveg ágætlega.