Það var hörkufjör í óvissuferðinni í gær. Við byrjuðum á því að fara í leik í skólanum áður en lagt var af stað, fengum nöfn frægs fólks á bakið á okkur og þurftum að finna út hver við vorum með já- og nei-spurningum. Síðan fórum við upp í rútu og héldum út úr bænum. Við Rauðhóla var okkur hent út í vegarkant þar sem við stóðum og kepptum í að blása upp blöðrur. Rútubílstjórinn var eins konar skemmtikraftur og sá um að stjórna keppninni. Að blöðrublæstri loknum hellti skemmtinefndin snafs í mannskapinn.
Við ókum eins og leið lá austur fyrir fjall og sungum í karokí á leiðinni. Algjör skemmtirúta! Á Selfossi fórum við í fjársjóðsleit og hlupum misedrú um Kaupfélagið eins og upptrekktar Duracell-kanínur að leita að öllu sem talið var upp á fjársjóðslistanum. Ég var reyndar ekki alveg viss hverjir voru með mér í liði...en það gerði ekkert til, alveg jafngaman fyrir því! :)
Við ókum áfram suður og enduðum á Hestheimum þar sem við fengum mjög góðan, ekta íslenskan mat. Eftir matinn var okkur síðan smalað aftur upp í rútu og aftur út úr henni eftir 1-2 mínútna akstur en þá vorum við komin "alla leið" yfir í hesthús staðarins. Þar sá rútubílstjórinn um að kenna okkur línudans, fara með okkur í leiki og loks dönsuðum við frá okkur vit og rænu enda margir góðir geisladiskar með í för.
Skemmtinefndin fær heilmikið hrós fyrir frábæra ferð :)

Í kvöld fórum við Jói hins vegar í þrítugsafmæli Óskars, (sem er vinur Jóa og fyrrum vinnufélagi). Já, félagslífið í hámarki þessa dagana :)