Byrjaði á að keyra í storminum og rigningunni yfir í Grandaskóla, renna mér á svellinu frá bílnum og inn í skólann, spjalla við skólastýruna og aðstoðarskólastýruna og renna mér aftur út í bíl.

Því næst fór ég í tíma í Kennó þar sem ég sat reyndar ekki sem nemandi heldur sem aðstoðarmanneskja með yfirumsjón með myndbandssýningu og tilkynningaskyldu. Er að hugsa um að setja "hefur kennt við KHÍ" á ferilskrána hehehe

Fyrsta alvöru hópverkefnavinna annarinnar stóð svo frá hálfþrjú til hálfellefu, með smá pásu í hörku leikfimitíma og mataröflunarferð á Pizza Hut. Stóðum okkur með prýði og erum vonandi búnar með lungann af verkefninu.