Skemmtiatriðið fyrir árshátíðina er smám saman að taka á sig almennilega mynd. Æfðum fyrsta atriði og lokaatriðið í dag frá kl. 17 til rúmlega kl. 20 og ég er að verða nokkuð sátt við þetta.

Sem betur fer náði ég að stökkva heim milli atriða og ýta á upptöku á Bráðavaktinni, henni missi ég ekki af! Ætla að horfa á hana á eftir þegar Jói kemur heim :)

Ég verð að segja að ég er orðin þvílíkt leið á hárinu á mér. Get ekki beðið eftir að það síkki meira! Hundleiðinleg þessi millisídd meðan maður er að safna. Ég prófaði að leyfa því að þorna sjálfu eftir baðið í gær án þess að blása það neitt og gömlu góðu liðirnir létu ekki bíða eftir sér. Sem betur fer er ég þó með gelið til að berjast við hliðarvængina! Er svo sem ekkert ósátt við liðina, vona að þeir verði sem öflugastir þegar hárið verður síðara en sjálfstæðir liðir og sveipir í millisíðu hári.....nei takk!