Okkur Jóa var boðið í Valentínusarpartý til Bjarna og Unnar í gær og létum við að sjálfsögðu sjá okkur þar. Soldið skrýtið að vera boðið í partý til fólks sem maður þekkir ekki og hefur aldrei hitt, tengslin aðeins í gegnum bloggið. Í boði voru bandarískar sykurpillur með skilaboðum og væmnu bragði. Nokkris gestir kvöldsins veltu því til gamans fyrir sér hvort óhætt væri að gæða sér á namminu, hvort þetta væri kannski vatnslitaðar LSD-pillur og sumir gestir lentu m.a.s. í smávegis vandræðum út af þessu sælgæti síðar um kvöldið...  ;)Alltaf jafnskemmtilegt að fara í svona þemapartý, þau voru búin að skreyta íbúðina hátt og lágt með bleikum strimlum, sellófani, klippihjörtum, hjartablöðrum o.fl. svo að þetta var alvöru væmin Valentínusarstemning :) Veit ekki hvort þau máluðu stofuveggina rauða svona í tilefni dagsins eða hvort þeir voru rauðir fyrir...
En sem sagt, Bjarni og Unnur, takk fyrir okkur :)

Í dag tókum við Jói svo að okkur hlutverk gestgjafans og fengum vinafólk Jóa í heimsókn. Boðið var upp á heitt rúllubrauð með skinku-aspas-sveppa-jafningi, brownie´s súkkulaðiköku úr Bónusmixi sem reyndar varð of þurr :( og eitthvað smálegt með. Svefnherberginu var snarlega breytt í leikherbergi þar sem yngri gestirnir fengu að leika með strumpa, kubba o.fl. meðan hinir eldri undu sér við umræður í stofunni. Í alla staði vel heppnað...nema súkkulaðikakan...