Til hamingju með bloggið, kæru fyrrum samnemendur og samgellur úr C-bekknum í MR. Lena kom með þá frábæru hugmynd í byrjun ársins að láta C-bekkinn fara að blogga svo maður geti nú fylgst með hvað gengið er að gera. Þessu var að sjálfsögðu hrint í framkvæmd og á Jói að sjálfsögðu heiðurinn að bloggkerfinu þó ég hafi sett upp ógeðslega bleiku síðuna sjálf. Takk, elsku Jói! :) Fyrstu færslurnar komu í dag og framtakið virðist mælast vel fyrir. Vonandi fer ég svo að finna tíma einhvern tímann í nálægri framtíð (eða bara í næstu vídd) til að setja myndir og fleira skemmtilegt á síðuna.

Til hamingju, kæra yngri barna svið, við erum búnar að losa okkur undan þessum íslenskugreinum. Erum búnar að skila af okkur tveimur verkefnum í þessari viku, alls ekki slæmt :)

Til hamingju kennaranemar og starfsfólk KHÍ, árshátíðin er á morgun! Jibbí :)

Ég kann ákaflega illa við það þegar fólk hamast á bílflautunum sínum rétt fyrir kl. tvö á nóttunni í lengri tíma með þeim afleiðingum að ungar stúlkur vakna upp af værum blundi og ná ekki að sofna aftur fyrr en eftir tæpan klukkutíma. Sérstaklega inni í miðri viku :(