Úff...ég held það muni taka smá tíma að jafna mig eftir þennan Bráðavaktarþátt. Ef ég stundaði það að naga neglur, þá væru þær örugglega nagaðar upp til agna núna. Núna hefst síðan biðin, serían búin og ég býst við að næsta sería hefjist ekki fyrr en næsta vetur. Það getur hreinlega ekki verið löglegt að láta mann bíða svona lengi eftir uppáhaldssjónvarpsþættinum sínum! :(

22:00
P.S. Bridget rúlar! ;)
Var að kíkja á aukaefnið á Bridget Jones DVD-diskinum sem Helga Sigrún lánaði mér. Alveg frábært! :) Sérstaklega myndbandið sem sýnir Bridget og Darcy sem litla krakka í afmælisboði og glæsilega bókarkynningin sem Bridget heldur í vinnunni. Áður en ég tók diskinn úr stóðst ég ekki mátið að stilla á uppáhaldsatriðið mitt í myndinni, þ.e.a.s. þegar Bridget segir Daniel að hún vilji frekar vinna við að skeina Saddam Hussein heldur en að vinna nálægt Daniel. Frábært frábært atriði með flottri tónlist! Þegar ég fór á myndina í bíó, fór þetta atriði sko beint inn á topp10 listann ásamt atriðinu úr Pretty Woman þegar Vivian snýr aftur í búðina til snobbuðu kerlinganna til að hlakka yfir þeim. Alltaf gaman að sjá skíthæla og snobbhænsni fá fyrir ferðina! ;)