Rólegur dagur í vinnunni. Gerði fátt og vann það í hægagangi. Skrapp af göngudeildinni yfir á spítalann sjálfan þar sem ég setti viðkvæmt blaðarusl í gegnum tætarann. Reyndi að ímynda mér að ég ynni hjá Enron og gæti verið handtekin á hverri stundu fyrir ólöglega tortímingu á mikilvægum gögnum. Það gerði verkið óneitanlega mun meira spennandi ;)

Er þessa dagana að lesa Under the Duvet sem inniheldur frábært safn af pistlum og greinum eftir Marian Keyes. Höfundurinn segir ákaflega skemmtilega frá og hefur húmor fyrir sjálfri sér. Ég á pottþétt eftir að lesa meira eftir Keyes í framtíðinni.