Eins og Jói nefndi í gær erum við búin að eignast stafræna myndavél :) Hlakka mikið til að tekið myndir af því sem mér sýnist og þurfa ekki alltaf að hafa áhyggjur af framköllunarveseni. Fór einmitt með filmu í framköllun, þar voru m.a. myndir af Unnsteini í röðinni fyrir utan Mál og menningu að bíða eftir Harry Potter og myndir frá síðasta laugardegi þegar Anna og Stefa komu ásamt sínum mönnum í grillveislu.

Eins og sjá má á laugardagsmyndunum þá er ég víst orðin stuttklippt á ný. Fór reyndar í klippinguna fyrir viku en vildi koma mömmu og Guðbjörgu á óvart svo það var ekkert bloggað um hið horfna hár. Ææ, þetta er nú svo sem ósköp þægilegt svona stutt ;)