Frábært brúðkaup hjá Ívari og Önnu Lilju í gær. Athöfnin í Fríkirkjunni í Hafnarfirði var mjög falleg og alls ekki amalegt að fá að hlusta á bæði Bjarna Ara og Stebba Hilmars syngja.

Eftir athöfnina fórum við Jói á Súfistann í Hafnarfirði og fengum okkur kakó og með því. Röltum síðan einn hring í Hlíðargarði áður en það passaði að drífa sig í veisluna í Félagsheimili Kópavogs.

Veislan var virkilega fín; maturinn góður, ræðurnar hver annarri skemmtilegri, myndböndin úr steggja- og gæsapartýunum óborganleg og frábær stemning í salnum. Einar Ágúst og Gunni úr Skímó komu og héldu uppi stuði í smá stund (verst að ákveðnar vinkonur mínar voru ekki með okkur þetta kvöld ;) ) og að lokum brá veislustjórinn sér í DJ-hlutverkið og veislugestir brugðu sér á dansgólfið.

Frábært kvöld og ég þakka fyrir mig.
Til hamingju, Ívar og Anna Lilja :)

--- x x x ---

Við Jói kunnum ekki að sofa út og fórum því fram úr um kl. hálftíu í morgun. Fengum okkur smávegis að borða og röltum svo niður á Hlemm að ná strætó til Kópavogs til að sækja bílinn.

Komum við á MacDonalds í Smáranum áður en við fórum heim og fengum okkur þynnkumat og ís. Ansi fínt :)

Svo ætlum við bara að hafa rólegan dag og skella okkur svo í kvöldkaffi til Arnar og Regínu í kvöld.