Það er skuggalegt hvað það er auðvelt að hafa áhrif á skoðun manns á fólki í sjónvarpinu, alla vega mína skoðun. Maður hefur oft heyrt að stjórnendur raunveruleikaþátta stjórni því í raun hverja manni líkar við og hverja ekki. Þeir velja einfaldlega úr hvaða atvik þeir sýna okkur og mála þannig ýmist dökka eða ljósa mynd af fólki. Ég reyni yfirleitt að telja mér trú um að ég sjái í gegnum svona lagað en held að ég sé bara að plata sjálfa mig. Það fer alla vega ekki á milli mála að mér líkar ágætlega við Jerri í Survivor All Stars en þoldi hana alls ekki í Ástralíu. Samt er þetta líkast til bara sama manneskjan sem er að taka þátt í bæði skiptin. Ég býst við að hún sé betur í náðinni hjá þáttagerðafólkinu núna.
Og þetta á sér ekki aðeins stað í raunveruleikaþáttum. Framleiðendur Bráðavaktarinnar hljóta að vera snillingar í að stjórna áliti manns á fólki, alla vega er ég allt í einu komin með samúð með Romano kallinum sem ég hef hingað til hatað! Hvað er eiginlega málið...?
Ég er kannski bara svona mikill sökker, þessi trix virðast alla vega virka ágætlega á mig...