Bára hélt upp á 25 ára afmælið sitt síðasta föstudagskvöld. Það vantaði reyndar meira en helminginn af klúbbnum en það er víst eins gott að venja sig við það strax. Elva er enn í sínu námi í Svíþjóð, Jóhanna er enn kennslukona á Tálknafirði og nú er Bára að fara í sumar út í 3-5 ára nám í Bandaríkjunum. Og í sumar mun vanta enn fleiri, Hófí er að fara að norddjobbast í Danmörku í sumar og Theó fer á hálendið. Við sem eftir verðum þurfum bara að sjá um að halda uppi stuðinu!

Í gær fór ég ásamt Lindu, Bjarka og ömmu Böggu í bíltúr á Selfoss. Við byrjuðum hjá afmælisbörnum síðustu helgar og fengum kaffi hjá Guðbjörgu. Svo þurfti Guðbjörg að fara á djamm með skólanum svo að við færðum okkur heim til mömmu.

Um kvöldið brá ég mér á videoleiguna og tók Down With Love. Frekar spes mynd. Hún er flott að horfa á, litirnir æðislegir og nokkur sixties/teiknimyndasjarmi yfir henni. Persónurnar eru hins vegar ótrúverðugar og söguþráðurinn tók U-beygju undir lokin og lenti úti í skurði. Mæli ekkert sérstaklega með henni en mæli heldur ekki á móti henni.

Í dag kíkti ég svo í Perluna á íþróttamarkaðinn. Ég vissi ekki að þetta væri eiginlega bara barnafatamarkaður. Ég fékk reyndar einn bol á 500 kall en hann var í barnastærð... Hann er samt ekkert að springa utan af mér, þetta er svona skater-bolur sem á greinilega bara að vera víður á litlu skater-guttunum ;) hehe