"Börnin mín" voru með bekkjarskemmtun um kvöldmatarleytið - þau sýndu söngleikinn um Rauðhettu, sungu tvö lög (þ.á.m. eitt með táknmáli) og dönsuðu þrjá dansa. Þau stóðu sig að sjálfsögðu eins og hetjur og voru stórglæsileg á sviðinu.
Mér fannst nokkuð skondið að ég var með smá fiðring í maganum í dag út af skemmtuninni, þrátt fyrir að þurfa hvorki að leika eða syngja sjálf ;)

Við Jói skelltum okkur svo á Pizza Hut þegar fjörinu var lokið en uppgötvuðum reyndar í byrjun máltíðar að við vorum ekki alveg nógu svöng. Svo að maturinn kom bara heim með okkur í kassa. Flott að taka nokkrar pizzasneiðar með í vinnuna á morgun, það eru víst fiskibollur í matinn í skólanum...

Svo er smá spennufall að við séum búin með sýninguna og sjáum ekki fram á fleiri stressaðar æfingar í bili, það helltist alla vega í mig þvílík syfja þegar við vorum að koma heim af Pizza Hut og ég ætla að drífa mig í rúmið núna kl. tíu.

Góða nótt :)