Það var gestagangur í stofunni minni í dag. Þ.e.a.s. skólastofunni. Og það var bara einn gestur. Með mér í dag var dönsk kennslukona frá Holbergsskolen í Kaupmannahöfn. Hún kennir bornehaveklasse sem samsvarar 1. bekk hjá okkur, og hana langaði til að kynna sér yngri barna kennslu á Íslandi. Ég fræddist um leið um hvað þeir gera í Danmörku (það snýst allt um Danmörku hjá mér þessa dagana...). Það var virkilega gaman að fá svona heimsókn og skiptumst við kennslukonurnar á e-mailum. Allt í lagi að koma af stað smá svona nordisk samarbejde :)

Annars er það helst í fréttum að sigurvegari er kominn í Survivor. Ég var ekki sátt við að uppáhalds keppandinn minn skyldi detta út :( en var samt sem áður nokkuð sátt við málalokin og þá sérstaklega hina óvæntu uppákomu (ertu ekki sammála mér Helga? Var þetta ekki líka svona inni á þinni línu? ;) hehe). Hálfsorglegt að eiga ekki eftir að sjá fleiri Survivor-seríur. Eða hvað, er kannski von á fleiri All-Stars?