Við Stefa skelltum okkur loksins í sund um hádegi í dag. Ákváðum að fara í gömlu góðu Laugardalslaugina og rifja upp sundspretti frá fyrri tíð. Fengum sundkortin okkar götuð í afgreiðslunni og drifum okkur inn. Við inngang búningsklefann sagði svekktur viðskiptavinur okkur að laugin væri lokuð, þ.e.a.s. sá hluti hennar sem hægt er að synda í. Við fórum aftur í afgreiðsluna og fengum þetta staðfest. Það var sundmót og djúpa laugin lokuð almenningi. Afgreiðslukonan sagði okkur hálffýlulega að þetta stæði nú á auglýsingablaði þarna í afgreiðslunni. Við skimuðum í kringum okkur og fundum loks blaðið, með svo smáum stöfum að ég hefði þurft að færa mig alveg upp að því til að geta lesið hvað stóð. Við fengum endurgreitt og drifum okkur í Vesturbæjarlaugina, þar sem hittum mun almennilegri afgreiðslukonu, lentum ekki á neinu sundmóti og hittum fræga og kynþokkafulla fólkið í heita pottinum. Miklu betri útkoma ;)
Við vorum í voða gúddí fíling þegar við komum úr sundinu og ákváðum að gera eitthvað fleira. Fórum á nýju Hamborgarabúlluna hans Tomma og fengum voða fínan hamborgara. Fyndinn staður, þvílík bræla og þröngt en stemningin fín :) Flott að sjá Tomma sjálfan standa við eldavélina og steikja hamborgara, goðsögnin að verki.
Fórum því næst í Kolaportið og keyptum okkur plötur. Nei, ekki geisladiska. Plötur. Við erum nefnilega svo flottar á því ;) hehe
Smáralindin var næst á dagskrá. Röltum þar um og fórum svo heim til Stefu og fengum okkur kanilsnúða og brauð.

Frábær maídagur :)