Stundum er maður fátækur og stundum er maður ríkur.
Þessa stundina finnst mér við Jói vera voða rík. Alla vega eigum við núna tvö heimili, eitt í Reykjavík og eitt í Kópavogi. Þetta ástand mun að vísu ekki vara neitt rosalega lengi ;) en er samt nokkuð skemmtilegt meðan á því stendur.
Já, í dag fengum við afhenta nýju íbúðina okkar í Kópavoginum og eins og mamma nefnir í blogginu sínu þá eigum við von á heilli herdeild til að hjálpa okkur að mála á morgun. Ég var í íbúðinni í kvöld að líma málningarlímbönd á sem flesta staði en hætti svo vegna lélegra birtuskilyrða (þarf að muna að hafa með mér ljósaperur á morgun fyrir herbergin) og ákvað að drífa mig frekar heim á hitt heimilið (híhí) og horfa á video. Við horfðum á Freaky Friday sem er jafnvel enn skemmtilegri en ég hélt hún yrði. Jamie Lee Curtis fer alveg á kostum :)