Húsgagnaeftirlitið í Kópavogi auglýsir eftir garðborði. Borðið er hvítt á lit og kringlótt. Það er úr plasti og með fjóra fætur. Það sást síðast á svölum við íbúð í Arnarsmára þann 29. ágúst. Talið er að það hafi tekist á loft og flogið á brott út í veður og vind. Grill, sem staðsett var á sömu svölum, virðist hafa reynt að fylgja því eftir en náðist á flóttanum. Þeir sem geta gefið upplýsingar um ferðir borðins, á landi eða í lofti, eru vinsamlegast beðnir um að hafa samband við íbúa Betrabóls.

Uppfært: Borðið sem auglýst var eftir fyrr í kvöld er komið í leitirnir. Íbúar Betrabóls sögðust í samtali við síðuna vera mjög þakklátir fyrir að borðið skuli vera fundið. Það er reyndar brotið í tvennt og verður keyrt í Sorpu við fyrsta tækifæri en því er hér með þakkað fyrir ágætis þjónustu seinni part sumars.