Þeir sem sjá um Blómaval inni í Kringlu eru greinilega orðnir alvarlega vitskertir. Gekk framhjá básnum þeirra í dag á leið í apótekið og fékk næstum aðsvif við að sjá þá raða jóladótinu í hillurnar og hengja upp jólaskreytingar! Nú er ég heilmikið jólabarn og er nú þegar farin að hlakka heil ósköp til aðventunnar með allri sinni ljósadýrð, en er þetta nú ekki helst til gróft? Það er bara 12. október. Það eru meira en tveir mánuðir til jóla!

Ég varð líka hálfsvekkt inni í Rúmfatalager um síðustu helgi, því þeir eru farnir að selja jólasmákökubox, en það er þó mun temmilegra heldur en þessi hjá Blómaval.

Vonandi fara útvarpsstöðvarnar ekki strax í gang með jólalögin. Ég vil helst fá að bíða með jólalög og jólaskreytingar a.m.k. þangað til seinni part nóvember. Ég kvíði t.d. pínulítið fyrir kóræfingu hjá Hlíðaskólakórnum næsta mánudag, því þá byrjum við að láta krakkana æfa jólalögin... :S