Nágrannar okkur bönkuðu upp á í gær og sögðu okkur hvernig jólaseríu við ættum að kaupa, hvar hún fengist og hvað svalirnar okkar væru langar. Við hlýðum auðvitað því sem okkur er sagt svo ég dreif mig í BYKO í gær til að versla. (Er reyndar alveg sammála valinu á seríunum svo að þetta er nú bara hið besta mál ;) hehe).

Lenti reyndar í vanda í BYKO því annað hvort höfum við misskilið leiðbeiningarnar eða þær hafa verið eitthvað skrýtnar, því starfsfólkið í BYKO vissi eiginlega ekki hvað það væri sem ég átti að kaupa. SVo að nú er bara að yfirheyra nágrannana betur og fara aftur á stúfana sem fyrst :)

Annars er ég byrjuð að skreyta heima. Sótti kassana með jóladótinu niður í geymslu um helgina og raðaði jólasveinum og englum í hillur og á borð. Er búin að setja upp jólaseríur í stofuglugga og í vinnuherberginu. Stefni svo að því að hengja upp seríu í gestaherberginu í vikunni. Finnst ég reyndar vera eitthvað snemma í þessu en það er nú kominn fyrsti í aðventu og þá er nú bara hið besta mál að skreyta. Nú vantar hins vegar bara jólasnjóinn og þá kemur alveg rétti fílingurinn í þetta!