Vorum að koma heim í Betraból eftir ættarmót fyrir austan. Heiðarættin kom saman að Keldum á hádegi í gær og planið var svo að skemmta okkur saman langt fram á nótt í Sælukot og þar í kring í góða veðrinu líkt og síðast. Veðurguðirnir brugðust okkur hins vegar og gáfu okkur hellidembur og rok í stað sólarblíðu svo að plönin breyttust aðeins. Við fengum inni á Gaddstaðarflötum og skemmtum okkur bara fram á nótt þar.
Það var virkilega gaman að koma saman með náskyldum og fjarskyldari ættingjum; afkomendum Odds og Helgu frá Heiði. Er strax farin að hlakka til næsta ættarmóts :)

Og fleiri ættingjamyndir, ég átti alltaf eftir að setja inn myndir frá frændsystkinapartýinu sem Gústa hélt í Hófgerðinu. Ég var rukkuð um myndirnar um helgina svo að það er víst best að skella þeim inn :)