Mikið rosalega er ég fegin að Dominos skuli ekki lengur vera færeyskt apparat. Ég var alveg komin með upp í kok, og langt upp fyrir það, af hinum færeyska talsmanni Dominos. Vonandi eru þeir búnir að pakka honum niður í skúffu og taka hann aldrei upp aftur!

Fyrst að mamma er komin með nýja og flotta myndavél þá byrjar maður auðvitað að fussa og sveia yfir sinni myndavél ;) En þar sem fjárhagurinn leyfir manni nú ekki að kaupa nýja vél neitt á næstunni þá ákvað ég bara að læra enn betur á vélina mína.

Rakst á bæklinginn í gær og hellti mér í lestur. Uppgötvaði ýmislegt skemmtilegt og sniðugt. Fann t.d. hvernig ég ætti að stilla myndavélina þannig að ég geti þröngvað flassið fram, hvernig hægt er að taka röð mynda með því að halda niðri aðaltakkanum, hvernig hægt er að taka myndir og raða þeim saman í eina stóra panorama mynd o.fl. o.fl.

Já, það er víst ekki seinna vænna að fara að læra á myndavélina núna þegar maður er búinn að eiga hana í rúm 2 ár eða svo... ;)

Nú þarf ég að fara að skella mér í göngutúr og taka einhverjar skemmtilegar náttúrumyndir og æfa mig á nýju stillingunum.