Fyrr á árinu, á einhverju flakki um netið, rakst ég á auglýsingu um svokallað Barnabox, sem stendur tilvonandi eða nýbökuðum mæðrum til boða ókeypis. Boxið er í boði femin.is, barnaverslunarinnar Fífu og að ég held Glitnis.

Ég skráði mig á boxið um daginn og fór loks í dag til að sækja herlegheitin. Ég verð að viðurkenna að þetta var mun veglegra en ég bjóst við. Vissulega gerir ég mér grein fyrir að þetta er ákveðin auglýsingatækni, það er verið að reyna að veiða mig sem neytanda að ýmsum vörum - en það er samt voða gaman að fá svona ókeypis pakka frá verslun úti í bæ.

Í kassanum var að finna eftirtalda hluti:

• Prufa af brjóstakremi
• Tveir brjóstapúðar
• Baðvatnshitamælir
• Tvenns konar prufur af rassaklútum
• 850 g pakki af Neutral þvottaefni
• Tvær bleyjur
• Prufa af Sterimar nefhreinsiblöðum
• Snuð
• Smekkur
• Þvottastykki 
• 5000 kr. inneign á framtíðarsparibók frá Glitni
• Alls kyns bæklingar

Sem sagt, stærðarinnar kassi með alls kyns fíneríi. Vil bara benda ykkur hinum bumbulínunum á þetta, það er um að gera að nýta sér svona sniðugheit :) Þið finnið tengilinn á barnaboxið á forsíðu femin.is, ég ætlaði að tengja á þetta en náði því ekki, svo að ég vísa ykkur bara inn á síðuna og þar blasir þetta við.