Ég skil þessa farþega mjöööög vel. Þetta er nákvæmlega það sama og við Jói lentum í síðastliðinn ágúst, nema hvað að við biðum reyndar "aðeins" í 7 tíma en ekki 8 úti á flugvelli. Ég ætlaði alltaf að koma með langa færslu um málið en var bara svo reið og pirruð á þessu öllu saman á sínum tíma að ég geymdi það lítið eitt.

Málið var sem sagt að umrædd seinkun og algjörlega ófullnægjandi upplýsingar kostuðu okkur u.þ.b. 40 þúsund krónur.

Ég fékk sömu upplýsingar og þessir farþegar, þ.e.a.s. að Iceland Express sé ekki ábyrgt fyrir einu eða neinu, en vildi reyndar ekki gefast upp við það svo að málið er núna hjá Neytendasamtökunum.

Ég lofa að koma með almennilega færslu um þetta síðar, a.m.k. þegar Neytendasamtökin eru búin að klára að kanna þetta fyrir mig.

Mamma bauð afkomendum og fylgifiskum í páskamat í gær. Ljúffengt Grand Orange lamb með öllu tilheyrandi. Mmmm :)

Afar ánægjuleg samverustund sem við áttum öll saman, nema kannski fyrir Ragnar Fannberg, sem var örugglega eitthvað illt í maganum og kvartaði sáran. Karlotta og Oddur Vilberg voru hins vegar í stuði og sýndu okkur sniðuga upptöku af dularfullum galdrakúnstum sínum. Við Jói komum heim södd og sæl.

Við þökkum kærlega fyrir okkur! :)