Rakel benti mér á það um daginn að gestabókin mín væri eitthvað biluð. Það vistuðust engar færslur sem skráðar voru í hana.

Og ég sem hélt bara að enginn hefði viljað tjá sig neitt þar síðan í desember...

En Jói er búinn að kippa þessu í lag svo að nú geta allir sem vilja stokkið til og skrifað í gestabókina ;) Go go go go!

Jæja, hitinn virðist vera á undanhaldi en kvefið er búið að koma sér þægilega fyrir. Ég fann að mín gamla vinkona, kinnholubólgan, var mætt á svæðið og þá er víst fátt annað til ráða en að ná sér í eitthvað sterkara en panodil. Dreif mig á Læknavaktina í morgun. Var mjög fegin að koma áður en háannatíminn um hádegið skall á - ég þurfti bara að bíða í rúmar 45 mínútur ;) Sem betur fer var samt lítið að gera í apótekinu svo að ég var ekkert lengi að fá fúkkalyfin mín og drífa mig heim.

Segir sig nokkuð sjálft að ég dreif mig ekki í kröfugöngu. Ekki að það sé líklegt að ég hefði farið þó kinnholurnar væru í lagi.... ;)

Fleira "skemmtilegt" er ekki í gangi hjá yours truly, svo að Stefa mín og fleiri dyggir aðdáendur verða bara að bíða aðeins lengur eftir almennilegu bloggi :) En, partý framundan um næstu helgi svo að þá kemur örugglega færsla og nýjar myndir!

Uppfært kl. 18:30: Jú jú, var það ekki...? Hitinn var auðvitað ekkert farinn - lá bara í leyni og stökk svo fram með látum seinni partinn. Held það sé brjálað partý í gangi í hausnum á mér - verst að mér skuli ekki hafa verið boðið...