Var snemma á ferðinni í meðgöngujógað - þorði ekki öðru þar sem jörðin var þakin þykku lagi af snjó. Elskulegur eiginmaður minn fór út og skóf bílinn og mokaði bílastæðið og gangstéttina meðan ég fór í sturtu, svo að ég lenti ekki í neinum vanda við að komast í bílinn :) Hins vegar var bílaplanið við Lótusjógasetrið hálfófært enda enginn hugulsamur búinn að moka burtu snjónum þar.

Þar sem ég var komin snemma þá settist ég frammi og las fæðingarsögur sem liggja þarna í möppu. Var mjög kát að finna fæðingarsöguna hennar Rakelar , en hún var einmitt í jóga hjá Auði áður en hún átti Elmar Loga. Og Rakel mín, það var virkilega gaman að lesa söguna þína! :) En Helga, varst þú ekki líka í jóga? Ég fann enga sögu frá þér...?