Árshátíð Klúbbsins og Assa var haldin um helgina og var þemað í ár "Gay for a Day". Ótrúlega vel heppnuð árshátíð og frábært að við gátum öll mætt (en Bára því miður reyndar ekki fyrr en um kvöldið).

Ég fékk mér í glas í fyrsta skipti síðan á síðustu árshátíð. Ég drakk að sjálfsögðu hvorki á meðgöngunni né meðan á brjóstagjöf stóð og þorði ekki einu sinni að smakka 1 eða 2 sopa. Allur er varinn góður! Nú er Ragna Björk hins vegar hætt á brjósti svo að það var alveg óhætt að innbyrða smá guðaveigar. Drakk reyndar frekar lítið, enda ekki gott fyrir hænuhaus eins og mig að fara að hella í mig eftir meira en árs bindindi. Ég hef nú aldrei verið neitt sérstaklega dugleg að fá mér í glas, en það er alla vega gaman að hafa nú möguleikann á því aftur :)