Eins og fram hefur komið í fjölmiðlum, þá var brúðkaup aldarinnar haldið í gær. Þar var því þó ranglega haldið fram að brúðkaup Jón Ásgeirs og Ingibjargar væri hið umrædda brúðkaup aldarinnar.

Þetta er auðvitað reginmisskilningur, því það var að sjálfsögðu brúðkaup Stefu og Rúnars sem var brúðkaup aldarinnar! Tja fyrir utan mitt eigið, að sjálfsögðu ;) hehe

Ég var svolítið stressuð fyrir þetta brúðkaup því ég spilaði fjögur lög við sjálfa athöfnina, inngöngulagið spilaði ég ein og svo var undirleikur fyrir þrjú einsöngslög. Þetta gekk þó allt saman vel, fyrir utan eitt hikst í inngöngulaginu þegar ég stalst til að kíkja á brúðina...

Nú er brúðkaupsárið mikla því yfirstaðið, en ég var boðin í fimm brúðkaup á þessu ári (eitt þeirra komst ég þó því miður ekki í en það var haldið í Svíþjóð).

Ég ætla því að nota tækifærið núna og óska öllum brúðhjónum ársins enn og aftur innilega til hamingju! :)