Var ég búin að segja ykkur að þrjár vinkonur mínar voru óléttar á sama tíma og ég? Þær eru allar búnar að eiga og vorbörnin fjögur öll komin í hraust og fín í heiminn.

Fyrst komu dömurnar tvær, Ragna Björk mín sem fæddist 10. mars og svo Nína Rakel hennar Örnu samkennara míns sem kom 21. mars.

Herramennirnir tveir komu aðeins síðar, en svo skemmtilega vill til að báðir eiga þeir útlenda feður. Hinn hálfspænski Daníel Snær hennar Höllu úr MR-hópnum kom 27. mars en hinn hálfsænski Max Emil hennar Önnu Kristínar skólasystur minnar úr Laugarnesskóla (og Laugalæk og MR) kom þó nokkru síðar, þann 25. apríl.

Hér má sjá þennan fríða og föngulega hóp barna. Eru þetta ekki algjörir gullmolar? :) Og hér með varpa ég fram þeirri áskorun að mömmurnar stofni mömmuklúbb og til að hittast reglulega og að bera saman bækur sínar um brjóstagjöf og bleyjuskipti... hmmm... hvað segið þið stelpur? ;) Gætum kannski veitt einhverjar fleiri vinkonur með lítil kríli í hópinn. :)