Við upphaf nýs árs er víst í tísku að taka á ýmsum hlutum og færa í betra horf.

Myndaalbúmið mitt er það fyrsta sem er tæklað með betrumbótum nú í upphafi ársins 2008, en ég breytti útlitinu á forsíðu albúmsins. Nú er ekki lengur listi á forsíðunni yfir hvert og eitt einasta undiralbúm, heldur eingöngu tenglar á aðalalbúmin níu. Undiralbúmin sjást þó að sjálfsögðu þegar smellt er á aðalalbúmin.

Listinn var settur inn á sínum tíma til að tryggja að ekki þyrfti að leita lengi að undiralbúmum. En listinn var bara einfaldlega orðinn alltof langur svo að forsíðan var ekkert sérstaklega aðlaðandi lengur.

Kannski tek ég mig til og endurskipulegg enn betur þau albúm sem segja sig ekki alveg sjálf eða geri jafnvel einhverjar drastískar breytingar á öllu albúminu - en í bili, þá er það bara forsíðan sem hefur breytt um útlit :)