Föðuramma mín hún amma Bagga, eins og við kölluðum hana, lést í gær eftir löng veikindi. Það er alltaf sorglegt þegar einhver nákominn deyr en af því hún var búin að vera mikið veik og þjáð þá er ekki hægt annað en að þakklátur þegar hvíldin loksins kemur.

Ég set hér tiltölulega nýlega mynd af ömmu sem Magnús mágur minn vann í Photoshop. Hún amma Bagga var alltaf glæsileg kona og þó hún sé orðin nokkuð öldruð á þessari mynd þá er hún samt svo fín og flott :)

Einnig verð ég að leyfa að fljóta með mynd sem ég tók út um stofugluggann þegar mamma var búin að hringja í mig til að láta mig vita að amma væri dáin. Það var svo fallegur himinninn með bleikum skýjum. Ég er alveg klár á því að amma og pabbi hafa verið að hittast á ný og litað himininn svona flott! :)