En hvað er málið með veðrið? Ég er farin að óttast að ég þurfi að byrja að líma eigur okkar niður ef þakið skyldi taka upp á því að fjúka af... Það er alla vega gott að þurfa ekki að fara út - gott að kúra bara inni og horfa á Men In Black II. Skemmtileg mynd með mörgum góðum punktum. Mæli með henni :)

Fór í kveðjupartý fyrir utanlandsfarana okkar í gærkvöld. Halla og Hófí halda utan í dag til náms fram á sumar og buðu okkur því á Tapasbarinn til að kveðjast í bili. Það var mjög erfitt að klára að kveðja og sleppa af þeim hendinni, en þetta er nú kannski ekki svo langur tími - þetta flýgur áfram.

Ég fór svo reyndar heim á bilinu tólf-hálfeitt því ég þurfti að vakna snemma í morgun og spinna og æfa leikþátt með stelpunum í Kennó. En þrátt fyrir að hafa verið svona skynsöm og farið snemma þá gat ég samt ekki sofnað fyrr en rúmlega þrjú . . . rumskaði svo við veðrið um kl. 6 í morgun. Var að vonum frekar þreytt þegar ég hitti stelpurnar um hálfníu en einhvern veginn tókst okkur samt að koma okkur í gang og spunnum alveg hreint ágætis leikþátt.