Lét loks verða af því að taka niður jólaskrautið og var það lítið mál enda ekki mikið af skrauti sem ég er með. Sé samt aðallega eftir seríunum, hefði alveg verið til í að leyfa þeim að hanga lengur til að fá smá birtu í svartasta skammdeginu. En það er víst best að halda sig bara við að enda jólin á þrettándanum og henda öllu heila dótaríinu ofan í kassa og inn í geymslu. Ég kveiki bara í staðinn á öllum þeim lömpum sem ég finn víðs vegar um íbúðina, það verður að duga.