Jæja, það bætist við í hóp þeirra sem fá sér leisersjón. Nú þegar eru allmargir
sem hafa kvatt gleraugun og horfa óhindruðum augum á lífið og tilveruna.
Já, það væri ekki amalegt að losna við gleraugun. Mitt vandamál er hins vegar það að ég er með algjöra augnfóbíu og hef ekki einu sinni hugrekki til að fá mér linsur. Ég get ekki horft á fólk setja í sig augndropa, ég hrekk við í ofboði ef ég sé augu í nærmynd á sjónvarpsskjá eða í blaði og ég get ekki horft á fólk kíkja í gegnum gægjugöt í bíómyndum því ég sé alltaf fyrir mér að það geti eitthvað komið hinum megin frá og st...já, þið skiljið.
Ef einhver veit um góðan dáleiðara sem gæti losað mann við svona augnfóbíu þá myndi ég gjarnan vilja heyra af því. Mig langar nefnilega svo til að geta fengið mér linsur eða farið í leiseraðgerð.