Vissuð þið að það er til örbylgjusnakk? Nú er ég ekki að tala um örbylgjupopp heldur örbylgjusnakk. Afskaplega furðulegt. Ég sem sagt keypti í 10-11 einn pakka af beikonstjörnusnakki sem er í svipuðum poka og örbylgjupoppið og er hitað í 1-3 mínútur. Mæli ekki með snakkinu sjálfu, það var frekar vont, en ef þið viljið til gamans prófa að búa ykkur til snakk í örbylgjuofninum þá er þetta málið!

Skjár 1 lét loksins verða af því að sýna fyrsta þáttinn í nýju Boston Public seríunni. Þetta er alveg hörkuspennandi, læt mig sko ekki vanta fyrir framan skjáinn næsta þriðjudagskvöld ;)

Eftir skólafjörið leyfði ég mér að detta inn í Jay Leno og fylgdist þar sem 9 ára gamalli stelpu sem safnar tarantúlum. Hún á 26 tarantúlur og er m.a.s. meðlimur í Tarantúlusambandi kvenna . . . það er nú enn eitt fyrirbærið sem ég vissi ekki að væri til. Já . . . vonandi munu afkomendur mínir hafa meiri áhuga á að safna frímerkjum en tarantúlum!