Síðustu vikur (eða mánuði...?) hef ég reynt að ftp-a inn á heimasíðu Hrafnhildar efnið sem ég vann fyrir hana en ekkert gengið. Ég hef tékkað á öllum stillingum ótal sinnum og átt nokkur afar skemmtileg símtöl við kerfisþjónustuna sem flest hafa verið á þessa leið:
          Ég: Þetta virkar ekki.
          Þeir: hmmmm.....
Svo í dag gaf ég mér tíma til að drösla tölvunni minni upp í skóla, tengja hana við netið hjá kerfisköllunum og viti menn, þá virkaði allt. Greinilega lokað fyrir að utanhússfólk geti ftp-að inn á serverinn þeirra.
Ef ég ætla svo að uppfæra eitthvað á síðunni þá þarf ég líklega að fara og koma mér fyrir hjá kerfisþjónustunni. Meira vesenið!!! Af hverju er allt svona sniðugt í Kennó?

Ég sleppti leikfiminni í síðustu viku og missti síðan af tímanum á mánudaginn sökum verkefnavinnu. Komst svo að því þegar ég mætti í dag að næstu tvær vikur verður páskafrí í leikfiminni svo að ég mæti ekki aftur fyrr en 28. apríl. Ekki nógu gott, ég verð orðin að algjörum aumingja þá. Kannski ég drífi í að láta laga hjólið mitt og reyni að slétta úr maga, rassi og lærum með því að fara í reglulega hjólreiðartúra. Það kæmi mér ekki á óvart ef það færi þá að snjóa til að koma í veg fyrir þau áform mín...