Fyrsti vinnudagurinn í dag sem móttökuritari á göngudeild St. Jósefspítala. Þetta er ágætis starf og fínir vinnufélagar svo ég held að sumarið verði alveg stórfínt...þó ég fái reyndar ekkert frí, nema um helgina þegar ég fer til London :)

Í kvöld var einmitt London-fundur hjá Sigrúnu þar sem við fengum frábærar veitingar og reyndum að skipuleggja eitthvað af ferðinni okkar. Við ákváðum þó á endanum að hafa þetta bara opið og sveigjanlegt og reyna að koma til móts við einstaklingsþarfir sem flestra með því að samþætta fjölmenningarleg og margbreytileg viðfangsefni inn í dagskrána! Hehe, kannski ágætt að við erum að útskrifast og losna undan hugtakaflóðinu í Kennó ;)