Eftir vinnu í dag fór ég að sækja um leyfisbréfið mitt hjá menntamálaráðuneytinu. Það tekur víst 1-2 vikur þangað til þeir senda mér 5000 kr. gíróseðilinn og þegar ég verð búin að greiða fyrir hann, þá senda þeir mér leyfisbréfið og ÞÁ verð ég orðin löggiltur kennari! Úff, flókið!

Hafði tíma til að drepa áður en ég átti að sækja myndir í framköllun svo ég lagði bílnum niðri við Ingólfstorg, keypti mér voða fínan ís og rölti með hann í góðviðrinu yfir á Austurvöll. Þar er í gangi frábær sýning frábær sýning á ljósmyndum eftir Yann Arthus-Bertrand. Náði ekki að skoða nema brot af myndunum en ætla að snúa aftur síðar með meira klink í stöðumæli og skoða allar myndirnar.

Grillaði léttreyktar svínasneiðar handa okkur Jóa og kláraði gasið af kútnum. Hér verður því ekki grillað meir fyrr en við reddum nýjum kút.

Svo er ég að fara í saumaklúbb til Lindu á eftir :) Hlakka til að hitta stelpurnar!