Leit við í skólanum mínum til að spjalla við skólastjórann og deildarstjóra yngsta stigsins. Fann engan og komst að því mér til hrellingar að iðnaðarmenn ráða enn ríkjum í stofunni minni. Vonandi verða þeir fljótir svo ég geti farið að undirbúa stofuna þegar ég kem eftir helgi...

Og talandi um skóla... maður vinnur víst ekki alla - en suma þó ;)

Við Jói fórum með Elísabet og Georges á Pirates of the Caribbean sem reyndist hin allra besta skemmtun. Mun fyndnari en ég bjóst við. Veit ekki hvort ég hreifst alveg jafnmikið af Johnny Depp eins og Unnur en viðurkenni þó að hann var mjög flottur í myndinni ;) Er samt sammála henni að Depp er mjög magnað fyrirbæri, hann hefur leikið svo ótrúlega fjölbreytt hlutverk í gegnum tíðina og er einhvern veginn með svo ævintýralegt útlit að maður gæti aldrei farið að taka mynd með honum alltof alvarlega :)